قال محمد أبو تريكة نجم الأهلي السابق، أن اكتسب نجوميته بسبب مصر والنادي الأهلي، ولولا مصر والنادي الأهلي كان من الصعب الوصول للمكانة الحالية واكتساب حب الجماهير في كل مكان، ويستعرض موقع تحيا مصر تصريحات محمد أبو تريكة.

تصريحات محمد أبو تريكة

وأضاف محمد أبو تريكة في تصريحات تليفزيونية على أون تايم سبورتس، أنا عاوز بلدي مصر أحسن بلد وعاوز النادي الأهلي أحسن نادي، ومشاركتي في إعلان النادي الأهلي الأخير بدون مقابل لأن دا حق النادي الأهلي.

وأكمل محمد أبو تريكة، أنا موجود في بي إن سبورت بسبب مصر والنادي الأهلي ولولاهم كان من الصعب أني أكون موجود في أفضل الأماكن حاليا، ومحدش يزايد على حب العبد لله لمصر.

وزاد محمد أبو تريكة، أنا قلبي أبيض وبحب كل الناس سواء اللي بيتكلم كويس أو بطريقى آخرى، ومحدش هيعلمني أحب مصر والأهلي إزاي ولا حد هيعلمني أفيد بلدي إزاي.

واختتم محمد أبو تريكة تصريحاته، أنا مسامح أي حد أتكلم عليا في الفترة اللي فاتت وعفا الله عما سلف وأنا كنت أتمنى أمشي جمب سور النادي الأهلي، وعدم الحصول على أي مقابل مالي من النادي الأهلي في الإعلان الأخيرة هو أقل ما يمكن تقديمه للنادي الأهلي.

محمد بركات: أبو تريكة من الشخصيات المؤثرة في تاريخ مصر والأهلي كرويا.. وسعيد بوجودي في إعلان شركة القلعة الحمراء

قال محمد بركات في حواره: “أنا سعيد بوجودي في إعلان شركة القلعة الحمراء، وشرف كبير ليا، ودايما اتعودنا مع الأهلى على العظمة، وتابع عبر بودكاست القلعة الحمراء: “سعيد إني جزء بسيط من الإعلان، لما ظهرت حسيت بتقدير كبير من النادي الأهلي، وخصوصا أنه بيديلك رسالة أنه بيقدر كل نجومه اللي تعبوا على مدار مشوارهم مع النادي، وأكمل: “في ناس بتقول عليا مش إجتماعي، ودا فعلا حقيقة، أنا معنديش صحاب وأنزل معاهم ونخرج ونتقابل، مفيش الكلام دا عندي، بخرج لو عندي شغل بس”.